Италиянинг Верона шаҳрида жойлашган Палаззо Маффеи музейида сайёҳлар Swarovski кристаллари билан безатилган креслони синдириб қўйди. Бу ҳақда Daily Mail хабар берди.
Кузатув камераси ёзувида эркак аввалига суратга тушиш учун креслога ўтираётгандек кўринади, сўнг эса бутун вазни билан унга суянади. Унинг оғирлиги остида кресло қулаб тушади ва сайёҳ йиқилмаслик учун девордан ушлашга ҳаракат қилади.
Унга ҳамроҳлик қилган аёл туришга ёрдам беради, шундан сўнг жуфтлик ҳодиса ҳақида музей ходимларига хабар бермасдан зални тарк этади.
Музей маъмурияти бу воқеани “ҳар қандай музей учун даҳшатли ҳолат” деб атади. Бир неча кунлик иш натижасида реставраторлар креслони тиклашга муваффақ бўлишганини ҳам маълум қилди.
Изоҳ (0)