Шавкат Мирзиёев бошчилигида ўтказилаётган хизматлар соҳасида амалга оширилаётган ишлар ва келгуси йил режалар масалаларига бағишланган видеоселектор йиғилишида шаҳарларнинг қиёфасини ўзгартириш ҳақида гапирилди.
Хусусан, Тошкент шаҳрида амалга ошириш мумкин бўлган баъзи лойиҳалар келтириб ўтилди.
«Мисол учун, Сергели туманида 16 километр узунликдаги ерусти метроси атрофида тунги ёритгич, ўриндиқ, спорт ва бошқа инфратузилма ташкил этиш ҳисобига савдо ва хизмат кўрсатиш соҳасида 5 мингта иш ўрни яратиш бўйича таклиф билдирилган. Бундай таклифлар менга маъқул.
Ёки пойтахт тадбиркорларининг шаҳар ҳудудида санъат, рассомчилик, ҳайкалтарошлик, ҳунармандчилик вакилларини кенг жалб қилиб, йирик ‘санъат кўчалари’ни яратиш таклифларини ҳам қўллаб-қувватлайман», – деди президент.
Бундан ташқари, Франция, Италия, Туркиядан реставратор ва музей иши мутахассисларини олиб келиб, барча музейларни замонавий қиёфага келтириш ва «омборда чанг босиб ётган» ноёб экспонатларни намойишга қўйишни ташкил қилиш зарурлиги кўрсатиб ўтилди.
Мавзуга доир:
- «Аҳолиси кўп шаҳарлардаги 10 мингга яқин кўп қаватли уйларнинг нотурар объект сифатида 10 фоизидан ҳам фойдаланилмаяпти» – Шавкат Мирзиёев
- «Одамлар ҳалок бўлди, ҳалиям Худо бизни асради» – Шавкат Мирзиёев Деновдаги портлаш ҳақида гапирди
- Ўзбекистонда 2022 йилда 158 та туманда хизматларни ривожлантириш учун 1 триллион сўм ажратилади
Изоҳ (0)