Mimar Group ва Outdoor Factory ўртасида ўзаро тажриба алмашиш ва ҳамкорлик қилиш тўғрисида меморандум имзоланди.
2021 йил 9 ноябрь куни Тошкент шаҳрида Mimar Group қурилиш холдинги ва Туркиянинг Outdoor Factory компанияси ўзаро тажриба алмашиш ва ҳамкорлик меморандумини имзолади. Outdoor Factory компаниясининг асосий фаолият тури — боғлар, музейлар ва маданий объектларни лойиҳалаштириш ва қуриш.
Имзолаш маросимида Mimar Group директори Ферузбек Давронов, Outdoor Factory компанияси бошқаруви раиси Тойгар Едигоз ҳамда компаниялар ходимлари иштирок этишди.
Mimar Group директори Ферузбек Давронов сўзга чиқиб, Ўзбекистонда қурилиш соҳасини ривожлантириш бўйича катта салоҳият борлигини, ушбу меморандум ҳамкорликни янада кенгайтиришга томонларнинг интилиши ифодаси эканини таъкидлади.
«Бутун дунё бўйлаб мустаҳкам лойиҳаларни амалга ошириб келаётган Outdoor Factory компанияси билан ҳамкорлик, шаҳарсозлик соҳасини мутлақо янги босқичга олиб чиқишига ишонамиз», — деди Ферузбек Давронов.
Outdoor Factory корхонасининг бошқаруви раиси Тойгар Едигоз ўз навбатида Mimar Group билан имзоланган меморандум улкан лойиҳаларни амалга оширишига хизмат қилишини қайд этди.
«Mimar Group корхонаси билан ҳамкорлик бизнинг тажриба ва имкониятларимизни бирлаштирган ҳолда Ўзбекистон архитектурасини ривожлантириш ва бойитишга имкон яратади. Биз биргаликда янги лойиҳаларни амалга оширган ҳолда давлатларимиз муносабатларини янада мустаҳкамлаймиз», — деб имзоланган меморандумни изоҳлади Тойгар Едигоз.
Меморандум доирасида Mimar Group ва Outdoor Factory корхонаси бир неча йўналишларда, жумладан, боғлар, музейлар ва маданий объектларни лойиҳалаштириш ва қуриш соҳаларида ҳамкорлик қилишга келишиб олдилар.
Outdoor Factory корхонаси ҳақида
Outdoor Factory — 2010 йилда Истанбул шаҳрида ташкил этилган Туркиянинг йирик қурилиш ва лойиҳалаштириш корхонаси. Компаниянинг асосий фаолият тури — боғлар, музейлар ва маданий объектларни лойиҳалаштириш ва қуриш. Outdoor Factory Туркия, Қатар, Италия, АҚШ, Олмония ва Ўзбекистонда ўз ваколатхоналарига эга. Корхона дунё миқёсида 350 дан ортиқ концептуал лойиҳалар, шунингдек, 25 музей ва 110 монумент лойиҳаларни амалга оширди.
Mimar Group ҳақида
Mimar Group Ўзбекистондаги энг йирик қурилиш холдингларидан бири бўлиб, саноат парклари, ижтимоий инфратузилма объектлари, таълим муассасалари каби йирик шаҳарсозлик лойиҳаларни амалга оширади.
Mimar Group ўз ривожланиш стратегиясига биноан, дунёдаги энг йирик ва илғор компаниялар билан бирга узоқ муддатли ҳамкорлик алоқаларни ўрнатишга интилади.
Реклама ҳуқуқи асосида.
Изоҳ (0)