ЛОР-инфекционист шифокор Жаҳонгир Ҳамидов совуқ сув ичиш натижасида томоқ зарарланиши ва бунинг оқибатида маҳаллий иммунитет пасайиши ҳақида “Дарё” мухбирига сўзлаб берди.
“Шу сабабли вируслар ва бактериялар қўзғалади ва кўпаяди. Бунинг натижасида касалликлар келиб чиқади. Бу томоқ оғриғи, тонзиллит, фарингит, ҳалқум шамоллаши, томоқ шамоллаши ва ларингит — овоз пайларининг шамоллаши. Томоқда оғриқ, температура кўтарилиши, ютинишда ноқулайлик, томоқ шишиши, томоқда яллиғланиш пайдо бўлиши мумкин. Овозда ўзгаришлар кузатилади.
Бундай ҳолатларда касалликнинг олди олинмаса, у кучайиб боради. Касаллик бронхларга ёки ўпкага ўтиб кетиши эҳтимоли юқори. Бундан ташқари, йирингли ҳолатлар юзага келиши мумкин”, деди шифокор.
Биринчи ҳалқум эффекти
Томоқ оғриғи бошланганида бир ютум сув ичганидан кейин оғриқ пасайиши керак. Агар оғриқ пасаймаса, катта эҳтимол билан, бактериал инфекция ривожланганидан дарак беради. Бактериал инфекция кузатилганда докторга мурожаат қилиш шарт. Чунки бу оғир асоратларга олиб келиши мумкин.
Тавсия: агар сиз ёз фаслида совуқ, яхна ичимликлар ичмоқчи бўлсангиз, кам миқдорда оғиз бўшлиғида илитиб ичинг. Шундай қилиб, сиз касалликнинг олдини олишингиз мумкин.
Совуқ ичимликлар ичиш тавсия этилмайди:
- ўткир респиратор касалликларда;
- бронхиал астма;
- юқори нафас системаси аъзолари касалликларида.
Қуруқ йўтал хуруж қилганда ёрдам берадиган 3 та тавсия
Қуруқ, узоқ давом этадиган ва тунда хуруж қиладиган йўтал фақатгина шамоллашнинг аломати эмас. Унинг сабабини шифокор текшируви асосида аниқлаш мумкин. Аммо доим ҳам ўз вақтида тиббий ёрдамга мурожаат қилишнинг имкони бўлмайди. Шундай вақтда қуйидаги тавсиялар қуруқ йўтални енгиллаштиришга ва кўрикка қадар умумий аҳволни яхшилашга ёрдам беради.
Овознинг хириллаши, қўполлашиши ёки умуман йўқолиб қолишига турли омиллар сабаб бўлади. Томоқнинг яллиғланиши, унинг тўқималарида шишлар пайдо бўлишига нафақат ЎРВИ балки жисмоний сабаблар ҳам мавжуд.
Изоҳ (0)