“Интер Майами” ҳужумчиси Лионель Месси 2021 йилда “Олтин тўп” билан боғлиқ вазият сабабли “Барселона” форварди Роберт Левандовски билан юзага келган можаро ҳақида фикр билдирди.
Унга кўра, аргентиналик ҳужумчи полшалик футболчининг гапларидан қаттиқ ранжиган:
Левандовскининг ўша йили айтган гаплари мени жуда ҳам ранжитди. Чунки мен мукофотни олганимда чин дилдан ҳис қилган сўзларимни айтгандим. У эса бу гапларни самимий қабул қилмаганини билдирди ва шу боис ўртамизда совуқлик пайдо бўлди.
Мен ўйинда атайлаб унга эътибор бермасдим, чунки у бундай гапларни айтмаслиги керак, деб ўйлагандим, — дея Мессининг сўзларини келтиради Give me Sport.
Эслатиб ўтамиз, 2021 йилги “Олтин тўп” маросимида Месси мукофотни олганидан сўнг, Роберт Левандовски ҳам бу совринга муносиб эканлигини айтган эди. Бироқ кейинчалик полшалик футболчи Мессининг бу сўзларини “шунчаки қоғоздаги гаплар” деб баҳолаганди.
Изоҳ (0)