Франциянинг “Пари Сен-Жермен” клубини бошқараётган испаниялик мураббий Луис Энрике 2025 йилги Клублар ўртасидаги Жаҳон чемпионати чорак финали олдидан “Интер Майами” футболчиси Лионель Месси ҳақида ўз фикрларини билдирди.
Унинг таъкидлашича, аргентиналик ҳужумчи футбол тарихидаги энг буюк футболчи ҳисобланади:
Менинг назаримда, Лионель Месси — футбол тарихидаги энг буюк футболчи. У сўнгги 10–15 йил давомида ўзининг юқори спорт формасини сақлаб келмоқда. Лео — буюклик тимсоли. Ҳар уч кунда ўйин кўрсатиб, юқори савияни сақлаб қолиш — ажойиб натижа. Мен уни машғулотларда кўрганман. У бажарган ишлар шунчаки ақл бовар қилмас даражада эди, — дея Энрикенинг сўзларини келтиради All About Argentina нашри.
Эслатиб ўтамиз, Луис Энрике аввал “Барселона” клубини бошқарган ва айнан ўша даврда Лионель Месси билан бирга ишлаган.
“ПСЖ” ҳамда Месси тўп сураётган “Интер Майами” ўртасидаги 1/8 финал доирасидаги баҳс 29 июнь куни бўлиб ўтади. Ўйин Ўзбекистон вақти билан соат 21:00 да бошланиши режалаштирилган.
Изоҳ (0)