Қулоқчинлари билан танилган Гонконгнинг iKKO Audio компанияси смартфон бозорига кириб келмоқда. Уларнинг илк қурилмаси Mind One номли смартфон бўлиб, ноодатий дизайни билан ажралиб туради: унинг корпус ўлчамлари атиги 86×72 мм, қалинлиги эса 8,9 мм, яъни у ихчам ва квадрат шаклга эга.
Mind One’нинг энг асосий жиҳати ягона 50 мегапикселли камераси бўлиб, у 180 градусга айланади. Унга Sony компаниясининг CCD-сенсори ўрнатилган. Бу турдаги сенсорлар бундан йигирма йил аввалги совун қутичасини эслатадиган камераларда қўлланган. Айнан шу технология ёрдамида винтаж услубидаги тасвирлар олинади, дейди ишлаб чиқарувчи.
Смартфон сунъий интеллектли қурилма сифатида тақдим этилиб, икки хил режимда ишлайди:
- Оддий режимда у Android 15 операцион тизимида;
- Енгиллаштирилган режимда фақат алоқа функциялари ва ChatGPT каби сунъий интеллект ёрдамчилари ишлайди.
Шунингдек, Mind One қуйидаги техник хусусиятларга эга:
- 4 дюймли AMOLED дисплей;
- ён томонидаги бармоқ изи сканери;
- USB Type-C;
- нано-SIM учун слот;
- саёҳатлар учун мўлжалланган eSIM-карта, у 60 давлатда интернетга уланади (Pro-версияда бу хизматлар олдиндан тўланган бўлади).
Смартфоннинг бошланғич нархи 299 доллар этиб белгиланган. Kickstarter платформасида олдиндан буюртма бериш июль ойида бошланади, илк етказиб бериш эса октябрга режалаштирилган.
Изоҳ (0)