Ижтимоий тармоқларда Тошкентдаги бозорларнинг бирида қиз илоннинг бошини узиб, уни сўйгани акс этган видео тарқалди. Ҳолат юзасидан “Овоза” дастурида маълумот берилди.
Қайд этилишича, Экология вазирлиги Тошкент шаҳар бошқармаси билан ҳамкорликда Янгиобод бозорида рейд тадбири ўтказилган. Ҳолат айнан ушбу бозорда содир этилган.
Аниқланишича, ушбу қиз олдига илонни сўйиб беринг, деб олиб келиб беришган. У эса сўйиб берган.
“Бошқа қилмайман, илтимос қилганига қилиб берган эдим. Буни кимдир видеога олиб тармоққа жойлабди”, дейди қиз.
Фуқароларга кўра, бундай ҳолат мазкур бозорда биринчи марта эмас. Бозор масъуллари эса илонни сўйган қизга жарима жазоси қўлланилганини маълум қилди.
Бухорода эркак эчкиэмар оғзига нос солиб, шафқатсиз муносабатда бўлганди. Тошкентдаги боғда эса одамлар орасида баҳайбат илон ўрмалаб кетаётгани акс этган видео юзасидан изоҳ берилганди.
Хоразм вилоятининг Урганч шаҳрида ноқонуний сақланаётган шер ҳайвонот боғига топширилган эди. Шунингдек, Тошкент шаҳар Олмазор туманида фуқаро ўз уйида Қизил китобга киритилган қушларни сақлаб келаётгани аниқланганди.
Изоҳ (0)