Ижтимоий тармоқларда Миллий боғ ҳудудида, одамлар орасида баҳайбат илон ўрмалаб кетаётгани айтилган хабарлар тарқалди. Экология, атроф-муҳитни муҳофаза қилиш ва иқлим ўзгариши бошқармаси ҳолат юзасидан маълумот берди.
Унга кўра, бошқарма томонидан ҳолат жойига чиқиб ўрганилди. Ўрганишлар натижасида хабарда тасвирга олинган кўп рангли (нақшли) пойгачи илон заҳарли бўлмаган илон турига кириши аниқланган. У бутун Ўзбекистон бўйлаб, шунингдек, аҳоли пунктларида, жумладан, йирик шаҳарларда ҳам яшайди ҳамда одамлар ва уй ҳайвонлари учун хавф туғдирмайди.
“Бу каби илонлар тартибли, кемирувчилар, одамларнинг саломатлиги ва ҳаётига таҳдид соладиган юқумли касалликлар ташувчилари билан озиқланади. Юқоридагиларни инобатга олиб фуқоролардан ушбу турдаги илонлардан хавфсирамаслик ва ортиқча қўрқувга берилмасликларини сўраб қоламиз”, дейилади хабарда.
Хоразм вилоятининг Урганч шаҳрида ноқонуний сақланаётган шер ҳайвонот боғига топширилган эди. Шунингдек, Тошкент шаҳар Олмазор туманида фуқаро ўз уйида Қизил китобга киритилган қушларни сақлаб келаётгани аниқланганди.
Изоҳ (0)