Ижтимоий тармоқларда гўё Anhor.uz сайтида Олий Мажлис Сенати раиси Танзила Норбоева Ўзбекистон фуқароларининг махсус ҳарбий операцияда иштироки қонунийлигини айтгани ҳақида хабарлар тарқалди. Ҳолат юзасидан Сенат матбуот хизмати изоҳ берди.
Маълум қилинишича, бу каби хабарлар мутлақо асоссиз, ҳеч қандай ҳақиқатга тўғри келмайди. “Анҳор.уз” порталида ҳам бундай мазмунда ҳеч қандай мақола мавжуд эмас.
Қайд этилишича, Сенат раиси Танзила Норбоева бу борада бирон-бир оммавий ахборот воситаси ёки платформага интервью бермаган.
“Мазкур ёлғон хабар фактлар билан тасдиқланмаган, фуқаролар орасида чалғитувчи маълумот тарқатишга қаратилган бўлиб, аҳоли онгида нотўғри тасаввур ҳосил қилишга ҳаракат деб ҳисобланади. Амалдаги қонунчилигига кўра ёлғон ахборот тарқатиш учун жавобгарлик белгиланган”, дейилади Сенат раддиясида
Сенат жамоатчиликни бундай ёлғон ва чалғитувчи хабарларга ишонмасликка, фақат расмий ахборот манбаларига таянган ҳолда хулоса қилишга чақирди.
Изоҳ (0)