Олий Мажлис Сенатининг парламент сайловидан кейинги биринчи мажлисида Танзила Норбоева Сенат раиси этиб сайланди.
Конституциянинг 101-моддасига мувофиқ, президент Сенат раиси лавозимига сенатор Танзила Норбоева номзодини тақдим этди.
Танзила Норбоева давлат ва жамоат бошқарувида бой тажрибага эга экани, ўтган даврда шу лавозимдаги самарали фаолияти натижасида мамлакатимизда хотин-қизлар, болалар ҳуқуқларини таъминлаш ва уларнинг қонуний манфаатларини ҳимоя қилиш бўйича вазият сезиларли равишда яхшилангани таъкидланди.
Содиқ Сафоев Сенат раисининг биринчи ўринбосари лавозимига тайинланди. Аманбай Оринбаев Сенат раисининг ўринбосари лавозимига сайланди. Сенаторлар номзодларни бир овоздан қўллаб-қувватлади.
Президент сенаторлар томонидан Сенат раиси ва унинг ўринбосарлари этиб сайланган Танзила Норбоева, Содиқ Сафоев, Аманбай Оринбаевни уларга билдирилган юксак ишонч билан табриклаб, уларнинг келгуси фаолиятида ютуқ ва муваффақиятлар ёр бўлишини тилади.
Изоҳ (0)