Ҳиндистонда собиқ коллеж директори 2018 йилда тўй совғасига бомба юборгани сабабли умрбод қамоқ жазосига ҳукм қилинди. Бу ҳақда Independent хабар берди.
Пунжилал Меҳер исмли шахсга Одиша штати суди томонидан 28 май куни ҳукм ўқилди. Деярли етти йил олдин содир бўлган бу портлашда 26 ёшли куёв Соумя Секҳар Саҳу ва унинг 85 ёшли холаси Женамани ҳалок бўлган. Саҳунинг рафиқаси Реема эса оғир тан жароҳатлари билан омон қолган.
Жуфтлик 2018 йил 23 февраль куни (тўйга атига 5 кун бўлганда), Патнагарҳ шаҳридаги уйига келган совғани очганида портлаш юз берган. Реема, ўша пайтда 22 ёшда бўлган, ҳодисадан кейин бир ойдан кўпроқ вақт шифохонада даволанган. Куёв япон электроника компаниясида муҳандис бўлиб ишлаган.
Суд Меҳерни қасддан одам ўлдириш, одам ўлдиришга уриниш ва портловчи моддалардан фойдаланишда айбдор деб топган. Прокуратура бу жиноятни ўта оғир деб топган бўлса-да, жиноятчига ўлим жазоси тайинламаган. Полициянинг таъкидлашича, Меҳер портловчи моддалар тайёрлашни YouTubeъда онлайн видео қўлланмалар орқали ўрганган.
2017 йилги Дивали пайтида у кўп миқдорда пақилдоқлар сотиб олиб, синов ўтказишни бошлаган: порохни LED чироқларга жойлаштирган. Шу орқали кичик портлашларни юзага келтирган.
Тўйда ҳам, дафн маросимида ҳам иштирок этгани айтилаётган Меҳер портловчи қурилмани жўнатиш учун “Райпурлик СК Шарма” деган сохта исм ва манзилдан фойдаланган.
Изоҳ (0)