Непалда Эверест чўққисидаги ахлатларни тозалаш учун дронлардан фойдаланиш йўлга қўйилди. Бу ҳақда Bloomberg хабар бермоқда.
Маълум қилинишича, Хитойнинг DJI компанияси ишлаб чиқарган иккита катта дрон сўнгги кўтарилиш мавсумида ишлатилган. Жумладан, апрелдан майгача 6000 метр баландликда улар 280 килограммдан ортиқ чиқиндини тўплаган.
Дунёдаги энг баланд чўққини тозалаш билан, одатда, маҳаллий аҳоли - тибетликларнинг авлодлари бўлган шерпалар шуғулланади. Уларнинг ҳар бири 20 килограммгача чиқиндини музликлар бўйлаб тўрт соатлик кўтарилиш давомида ўзи билан олиб боради. Дронлар эса бу масофани атиги олти дақиқада босиб ўтади. Қурилмаларни кенг қўллашга тўсқинлик қиладиган ягона чеклов — баланд тоғ лагерларидаги сийрак ҳаво. Бундай жойда парвозлар имконсиз ва об-ҳаво беқарор бўлади.
Дронлар “1-лагер”дан (денгиз сатҳидан 6065 м баландликда) чиқиндиларни асосий лагерга ташиш учун ишлатилган.DJI FlyCart 30 та юкни — арқонлар, нарвонлар ва бошқа жиҳозларни чўққига олиб чиққандан сўнг, шерпалар дронларга ахлат қопларини маҳкамлайдилар ва уларни қайтариб олиб кетадилар.
Таъкидланишича, Непал расмийлари билан ҳамкорлик қилаётган Airlift компанияси Эверест ва мамлакатнинг бошқа чўққиларида қўшимча дрон моделларини синовдан ўтказишни режалаштирмоқда.
Қайд этилишича, дронлар тўпланиб қолган чиқиндилар туфайли “дунёдаги энг баланд чиқиндихона” деб аталадиган ёнбағирларни тозалаш бўйича кенг кўламли дастурнинг бир қисмига айланган. Непал ҳукумати асосий лагердан юқорига кўтарилган алпинистларга ҳар бир киши камида 8 кг чиқинди олиб кетиш мажбуриятини юклади. Акс ҳолда, улар 4 минг доллар гаровдан маҳрум бўладилар.
Изоҳ (0)