Австралиялик 18 ёшли ўсмир янги уйига кўчган куни муваффақиятсиз салто отиши оқибатида ҳаётдан кўз юмди. Бу ҳақда People нашри хабар бермоқда.
Фожиали ҳодиса 24 июнь куни содир бўлган. Маълум бўлишича, австралиялик Сонни Бланделл севгилиси билан Янги Жанубий Уэлсдан Квинсленд штатидаги Голд-Кост шаҳрига кўчиб ўтганини нишонлаган.
Ўша куни у синглиси билан видео орқали гаплашган ва дўсти билан учрашган. Муваффақиятсиз салтодан сўнг Соннининг боши оғриб, ухлашга ётган, аммо кейинроқ ҳушидан кетган. Хонадоши уни беҳуш ҳолатда топиб, тез ёрдам чақирган.
Йигитни зудлик билан шифохонага ётқизиб, сунъий комага туширишган. Шифокорлар унинг миясида операция ўтказишган, бироқ жароҳатлар жуда жиддий бўлиб чиққан. Сонни кўплаб инсульт ва қон қуйилишларни бошдан кечирган ва 30 июнь куни унинг юраги тўхтаган.
Шифокорлар бир қарашда беозор туюлган ҳаракатлар ҳам оғир оқибатларга олиб келиши мумкинлигини эслатиб, эҳтиёткор бўлишга чақирмоқда.
Изоҳ (0)