Avstraliyalik 18 yoshli o‘smir yangi uyiga ko‘chgan kuni muvaffaqiyatsiz salto otishi oqibatida hayotdan ko‘z yumdi. Bu haqda People nashri xabar bermoqda.
Fojiali hodisa 24-iyun kuni sodir bo‘lgan. Ma’lum bo‘lishicha, avstraliyalik Sonni Blandell sevgilisi bilan Yangi Janubiy Uelsdan Kvinslend shtatidagi Gold-Kost shahriga ko‘chib o‘tganini nishonlagan.
O‘sha kuni u singlisi bilan video orqali gaplashgan va do‘sti bilan uchrashgan. Muvaffaqiyatsiz saltodan so‘ng Sonnining boshi og‘rib, uxlashga yotgan, ammo keyinroq hushidan ketgan. Xonadoshi uni behush holatda topib, tez yordam chaqirgan.
Yigitni zudlik bilan shifoxonaga yotqizib, sun’iy komaga tushirishgan. Shifokorlar uning miyasida operatsiya o‘tkazishgan, biroq jarohatlar juda jiddiy bo‘lib chiqqan. Sonni ko‘plab insult va qon quyilishlarni boshdan kechirgan va 30-iyun kuni uning yuragi to‘xtagan.
Shifokorlar bir qarashda beozor tuyulgan harakatlar ham og‘ir oqibatlarga olib kelishi mumkinligini eslatib, ehtiyotkor bo‘lishga chaqirmoqda.
Izoh (0)