Тошкент вилояти Қибрай туманида фуқаро эҳтиётсизлиги оқибатида Бўзсув каналига тушиб кетди. Бу ҳақда ФВВ хабар берди.
Келтирилишича, 27 июнь куни соат 13:36 да Тошкент вилояти ФВБга 112 тизими орқали Қибрай тумани “ГЭС Қодирия” МФЙ Мустақиллик кўчасидан оқиб ўтган Бўзсув каналига фуқаро эҳтиётсизлиги оқибатида тушиб кетгани ва ёрдам зарурлиги ҳақида хабар келиб тушган.
Хабарга асосан зудлик билан айтилган манзилга бир гуруҳ қутқарувчилар етиб бориб, фуқарони соғ-саломат қутқариб олган.
5 июнь куни Фарғона вилояти Олтиариқ туманида уч нафар вояга етмаган бола сунъий сув ҳавзасига чўкиб кетган эди. Ҳозирда прокуратура томонидан терговга қадар текшириш ҳаракатлари олиб борилмоқда.
Май ойининг бошларида эса Тошкентнинг Бўрижар каналига тушиб кетган қизларни қутқарган эркакнинг ўзи ҳалок бўлганди. Давлат раҳбари марҳумнинг рафиқаси ва фарзандларига ҳамдардлик билдирди ва марҳум Абдуманноп Самиқов “Жасорат” медали билан мукофотланди. Мукофот унинг оила аъзоларига топширилди. Марҳумнинг турмуш ўртоғига моддий ёрдам тариқасида 50 млн сўм топширилди.
Айни пайда Фавқулодда вазиятлар вазирлиги томонидан ёз мавсумида сувда чўкиш ҳолатларининг олдини олиш мақсадида кенг кўламли профилактик тадбирлар олиб борилмоқда. Тегишли мутахассислар иштирокида ўтказилган ўрганишлар натижасида республика бўйлаб 2 004 та чўмилиш тақиқланган сув объектлари аниқланиб, улар рўйхатга олиниб, назоратга олинган.
Изоҳ (0)