Тошкент шаҳрининг марказида жойлашган Олий суд биносида электр таъминоти билан боғлиқ узилишлар содир бўлди.
Маълум қилинишича, Олий суд биносида электр таъминоти билан боғлиқ узулишлар кузатилаётганлиги муносабати билан Олий суднинг барча интерактив хизматлари вақтинча тўхтатилган.
Дастлаб юзага келган ноқулайликлар учун узр сўралган ҳолда электр таъминоти тўлиқ тиклангач, ахборот тизимлари тўлиқ ишга туширилиши маълум қилинган. Шундан сўнг орадан бир неча соат ўтгач, Олий суд биносида электр таъминоти тикланиб, унинг ахборот тизимлари ва интерактив хизматлари фаолияти босқичма-босқич ишга туширилмоқда.
Қозоғистонда электр узатиш тармоғи ўчгани Ўзбекистонга ҳам таъсир қилгани ҳақида хабар берилганди.
Изоҳ (0)