Самарқанд вилояти фуқаролик ишлари бўйича Ургут туман суди раиси Темур Рустамов автоҳалокатда вафот этди.
Судьялар олий кенгашининг маълум қилишича, 17 июнь куни соат 20:30 ларда Ургут тумани “Боғишамол” маҳалласи ҳудудидан ўтувчи 4Р-47 автомобиль йўлининг 61 километрида “КамАЗ- 53212” русумли юк автомашинаси ва Nexia-3 тўқнашган.
Енгил автомашинада бўлган 39 ёшли судья олган тан жароҳатлари оқибатида воқеа жойида вафот этган.
Айни пайтда ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилиб, Ургут туман прокуратураси томонидан дастлабки тергов ҳаракатлари олиб борилмоқда.
2024 йилнинг майида Деновда суд раиси ва адвокат ЙТҲга учраганди.
Изоҳ (0)