Анъанавий таомлар бўйича халқаро онлайн қўлланма TasteAtlas дунёнинг энг яхши 50 та нонуштаси рейтингини тузиб, турк нонуштасини 5 баллдан 4,8 балл билан биринчи ўринга қўйди.
Пишлоқ ва зайтунлардан тортиб тухум, пишириқлар ҳамда мурабболаргача бўлган хилма-хиллиги билан машҳур турк нонуштаси ўзининг ранг-баранглиги, ширин ва шўр таъмларнинг уйғунлиги ҳамда маданий маросими туфайли бутун дунёда тан олинган. Турк нонуштаси енгил ҳазм бўлувчи таомларни ўз ичига олади ва албатта шиша стаканларда иссиқ қора чойни ҳам. Бу эса уни нафақат таомланиш, балки ижтимоий маросимга айлантиради.
Рўйхатга олтита турк таоми киритилган. Нонушта маъносини англатувчи “kahvaltı”дан сўнг, тўққизинчи ўринни “катмер”, 12-ўринни ясмиқ шўрва, 24-ўринни “бўрек”, 28-ўринни асал ва кўпиртирилган қаймоқ, 46-ўринни эса “гўзлеме” эгаллади.
Бошқа етакчи халқаро номзодлар орасида Сербиянинг “комплет лепинжа”си, Ливиянинг “стунз”и, Эроннинг “калеҳ пачеҳ”и ва Франция круассанлари бор. Уларнинг барчаси 4,6 ёки 4,5 балл олган.
TasteAtlas фойдаланувчиларнинг баҳолари ва мутахассисларнинг фикрлари асосида жаҳон ошхоналарини рўйхатга олиши билан танилган.
Изоҳ (0)