Одатда турк сериаллари кўпчилик томонидан бахтли якунга эга бўлган эртаклар сифатида қабул қилинарди. Бироқ сўнгги ойларда дизи оламида пайдо бўлган янги урф томошабинларни хавотирга сола бошлади. Чунки энди сценарийга кўра, бутун сюжетнинг асосини ташкил этган бош қаҳрамонлар тобора кўпроқ ҳалок бўлмоқда.
Бош қаҳрамоннинг ҳалок бўлиши сюжетни кутилмаган тарзда ривожланишига ёрдам беради
“Севги изтироби” сериалидаги Камолнинг ўлимини фильм охиригача ҳеч ким кутмаган эди. Худди “Қизил шарбат” сериалидаги Пембенинг ҳалок бўлиши каби. Тўғри, миш-мишлар юрган, аммо барча воқеалар бошқача якун топишига умид қилган.
Одатда бундай ғалати бурилишлар “вау” эффектига эришишга ёрдам беради, чунки рейтинглар бир зумда кўтарила бошлайди. Кейин пасайиши мумкин, аммо энди бу унчалик муҳиммас. Агар қизиқишни ошириб, қаҳрамонга ўлим доимий хавф солиб турса, томошабинлар ҳаяжонини мунтазам ушлаб туришга эришилса, сериални имкон қадар узоқ вақт давомида юқори рейтингларда сақлаб қолиш мумкин.
Фожиали якун ҳар доим бахтли якундан кўра кўпроқ хотирада қолади
“Севги изтироби” сериалининг якунидаги ҳалокат портлашини ҳатто турк сериалини кўрмаганлар ҳам эслаб қолишган. Бунинг сабаби шундаки, ҳеч қачон дуч келишни истамайдиган шафқатсиз сюжет бурилишлари хотирада абадий муҳрланиб қолади.
Агар Камол ва Ниҳон бирга бахтли бўлиб, сериал якунида қизнинг яна бир фарзандга ҳомиладор эканлигини кўрсатишганда, яхши бўларди, лекин... оддий ва сийқаси чиққан бўларди. Аммо унинг севгилиси Ниҳонни Амирдан бутунлай ва абадий қутқариш учун ўзини қурбон қилгани — томошабинларнинг ҳам қалбини, ҳам руҳини жароҳатлайдиган ҳодиса.
Тўғри, бу ерда ўзига хос “хавфлар” ҳам мавжуд. Агар драматик бурилиш лойиҳанинг охирига қолдирилса, томошабинлар у ҳақида узоқ вақт гапириб, хотирлашади, ҳатто яхши сўзлар билан бўлмаса ҳам. Аммо сценарий муаллифлари ҳикоя давомида персонажлардан “қутулишса”, унда икки хил ҳолат юзага келиши мумкин.
Биринчидан, мухлисларни севимли қаҳрамоннинг ўлиши у тарк этган лойиҳани тез-тез тилга олиш орқали унинг муҳокама даражасини оширишга ундайди. Иккинчиси эса томошабинларнинг бир қисмини шунчаки “чиқиб кетиш”га ва томоша қилишдан воз кечишга олиб келиши мумкин, натижада сериал потенциал реклама берувчиларни йўқотади. Шундай қилиб, буларнинг барчаси фақат продюсерлик компаниясининг таваккалига асосланади.
Бош қаҳрамоннинг вафоти туфайли лойиҳанинг ишонарлилик даражаси ошади
Реалистик ҳикоялар томошабинларга сериалга бутунлай шўнғиш ва уни қаҳрамонлар билан бирга “яшаш” имконини беради. Бу ҳозирги кунда тренд ва модада бўлгани учун турклар реализмга бўлган интилишни яна бир бор таъкидлашни айнан асосий қаҳрамонларнинг ўлими орқали кўрсатишга қарор қилганлари таажжубланарли эмас: бу оддий, самарали ва томошабинни ҳайратга солади.
Қаҳрамоннинг вафоти эътиборни бошқа персонажларга кўчиришга ёрдам беради
“Қизил шарбат” сериалида Сибел Ташчиўғли ижро этган Пембе ҳам шундай аянчли тақдирга дучор бўлиши мумкин эди. Сценарий муаллифларининг айтишича, уни сериалдан чиқариб юборишга сабаб воқеалар ривожининг тугагани бўлган, бироқ Фотиҳ, Нурсем ва Мустафонинг онасидан қутулиш бошқа қаҳрамонларга эътиборни қаратиш учун зарур бўлган бўлиши эҳтимоли ҳам бор.
Чет эл сериалларида бундай усул тез-тез қўлланилади. Лойиҳа қаҳрамонларининг баъзи ўлимлари бошқа бирор персонажни ривожлантириш учун зарур. “Қизил шарбат” сериалида бу шахс аслида Мустафо бўлди, чунки учинчи мавсум якунида ниҳоят Эмраҳ Олтинтопрақнинг персонажи қандай бўлиши мумкинлигини ва унинг актёрлик маҳорати қанчалик юқори эканлигини кўрдик.
Ўлим сюжетнинг бутунлай ўзгаришига туртки бўлади
Тажрибалар шуни кўрсатадики, турк сериали сценарийнависларининг хаёлига жуда ғалати ғоялар келади ва замонавий тенденциялардан ортда қолмаслик истаги уларни томошабинларнинг севимли қаҳрамонини ўлдиришга мажбур қилиши мумкин.
Албатта, баъзан ижодий гуруҳ мухлисларининг фикрига ҳам қулоқ солади, мисол учун, “Қўрғон сирлари” сериалида Ферит Корханнинг ўлимидан воз кечилгани каби, аммо бу истисно ҳолат, қоида эмас. Шу сабабли 2025 йил кузида томошабинларни яна кўплаб кўз ёшлар кутаётгани аниқ.
Изоҳ (0)