Гўзал турк актрисаси The Netizens Report журналининг йиллик рейтингига кўра, энг жозибали юлдузлар орасида биринчи ўринни эгаллади. У жаҳон миқёсидаги рақибларини, шунингдек, турк сериалларидаги энг гўзал ҳамкасбларидан бири — Ҳанде Эрчелни ҳам ортда қолдирди.
У ўз ҳамкасби Ҳанде Эрчелдан ўзиб кетишга муваффақ бўлди, шунингдек, Зендая, Ким Кардашян ва Кендалл Женнердан бир неча поғона юқорига кўтарилди. “Клюква шарбати” сериали юлдузи рейтингда биринчи ўринни олган биринчи турк аёлига айланди. Силанинг мухлислари бу мақомга у нафақат гўзаллиги, балки актрисалик қобилияти туфайли ҳам эришганига шубҳа қилмайди. Актриса бир нечта муваффақиятли телевизион лойиҳалар, машҳур телекўрсатувларда иштирок этган, кўплаб хайрия ишларига ҳам ҳисса қўшган.
Қизиғи шундаки, Сила кутилмаганда кинога келиб қолган. Болалигида бўлажак юлдуз шунчаки волейболни яхши кўрарди ва мактабдан бўш вақтида мазкур спорт билан шуғулланарди. Бундан ташқари, Туркўғли расм чизишга жиддий қизиқарди, устозлари унинг истеъдодини таъкидлаб, келажакда у буюк рассом бўлишини айтишарди. Аммо мактабдаги беташвиш кунлар ортда қолгач, тўп билан бўёқларни четга суриб қўйишга тўғри келади.
Ижтимоий тармоқларда қизнинг суратларини кўрганидан сўнг, актёрлик агенти у билан боғланиб, маҳаллий телесериалнинг кастингида қатнашишга таклиф қилади. Сила бир оз шубҳаланади, чунки болалигида тенгдошлари унинг кўринишини тез-тез танқид қилиб, уни йиғлашга ва чиройидан кўз юмишга мажбур қилишарди.
Силанинг биринчи лойиҳаси “Йиғламанг, она” драмаси бўлиб, унда бош қаҳрамоннинг ёшлигини ўйнайди. Бунинг ортидан “Қасам” ва “Ишонч” фильмларида мамлакатнинг асосий юлдузлари билан рол ижро этади. Аммо уни “Клюква шарбати” мелодрамасида ҳақиқий муваффақият кутаётганди, мазкур сериал ҳатто рейтинг бўйича етакчиликни бермай келаётган “Қўрғон сирлари”ни ҳам ортда қолдиради.
Силанинг сўзларига кўра, бугунги кунда у кинода ўзини “сувдаги балиқ” каби ҳис қилади. Актриса кўпинча телесериалларга жиддий эътибор берилмаслигини бир неча бор таъкидлаган, аммо режиссёрлар ва сценарий муаллифлари кўпинча уларда муҳим масалаларни кўтаришга ҳаракат қилишади. Масалан, “Клюква шарбати”да Туркияда энг нозик масалалардан бири бўлган жамиятдаги камситиш муаммоси фаол муҳокама қилинади. Интернетда авж олган ушбу масала бўйича баҳслар сериалдан сўнг яна янги босқичга кўтарилди.
Бугунги кунда Сила Туркўғли телесериалларда фаол иштирок этишда ва муҳтожларга ёрдам беришга сармоя киритишда давом этмоқда. Актриса шахсий блогида тез-тез ҳаётидан лавҳаларни баҳам кўради ва суратга олиш майдончасидаги танаффусида обуначилари билан суҳбатлашишдан хурсанд бўлади.
Изоҳ (0)