Самарқанд вилоятида Қозоғистон автомашиналари кўчалар бўйлаб дрифт уюштирган қозоғистонликлар халқдан узр сўраб чиққан эди. “Замон” дастурда хабар берилишича, ҳолат юзасидан суд иши якунланди. 

Маълум қилинишича, Жиноят ишлари бўйича Самарқанд шаҳар судида қоидаларни менсимасдан турли қоидабузарликлар қилган қозоғистонлик ҳайдовчи суд қилинди. Суд мажлисида у самарқандликлардан кечирим сўради, қилмишидан пушаймон эканини айтди. 

Суднинг якуний қарори билан меҳмон — қозоғистонлик ҳайдовчи Маъмурий жавобгарлик тўғрисидаги кодекснинг 128-моддаси 1-қисми ҳамда 129-моддаси 1-қисмида назарда тутилган ҳуқуқбузарликни содир этган деб топиб, 1 йил муддатга транспорт воситаларини бошқариш ҳуқуқидан маҳрум қилиб, БҲМнинг 25 баробари, яъни 9 млн 375 минг сўм жарима тайинланди.

Ўзи нима бўлган эди?

Чет эллик автомашина ишқибозлари Самарқанд вилоятида Қозоғистон автомашиналари кўчалар бўйлаб дрифт уюштирган. 

“Биз қаерда бўлсак ҳам Ўзбекистон қонунларини ҳурмат қиламиз. Иккинчи марта қайтарилмайди. Бизга тушунтиришди. Аслида махсус майдонда дрифт қилишимиз керак эди, лекин шаҳар кўчаларида дрифт қилдик. Самарқанд халқидан кечирим сўраймиз”, деган қозоғистонлик ҳайдовчилар.

Шоу ташкилотчисининг таъкидлашича, Қозоғистон, Тожикистон, Қирғизистондан келган меҳмонлар билан парад уюштирилган бўлган. Лекин уларга дрифт уюштириш қонунга зид экани тушунтирилган.

Навоийда пойга ўйнаган йигитлар аварияга учраган эди. Ушбу ҳодисада тан жароҳати олганлар йўқлиги айтилмоқда. “Сал қолишига сал қолди. Бўлди, бошқа пойга ўйнамайман”, деган эди йигитлардан бири.