Ирландия Олий суди Subway тармоғининг сэндвичлар учун нони ноннинг юридик таърифига мувофиқ келмайди деб топди. Бу ҳақда Irish Independent’га таяниб Meduza хабар берди.
Қайд этилишича, Subway франшизасининг ирландиялик эгаси, Bookfinders Ltd. компанияси суд орқали сэндвичлар нони асосий озиқ-овқатлар каби ҚҚСга тортилмаслигига эришмоқчи бўлди.
Ирландия судининг аниқлашича, Subway нонида шакар миқдори Ирландиянинг ҚҚС тўғрисидаги 1972 йилги қонунида нон учун асосий озиқ-овқат сифатида белгиланган меъёрдан беш барабар ортиқ бўлган.
Суд Bookfinders Ltd.’нинг 2006 йилги даромадлар бўйича Ирландия комиссиясининг қарорига нисбатан аппеляцияни кўриб чиққан ва компания 2004—2005 йиллар давомида тўлаган ҚҚСни қоплашдан бош тортган.
Изоҳ (0)