Лондон ва Брюссель ўртасида Шимолий Ирландия бўйича баҳс яна кучайди

Британия ҳукуматининг Европа Иттифоқидан чиқиш бўйича келишувининг Шимолий Ирландия ҳақидаги бир қатор бандларини бир томонлама қайта кўриб чиқиш режаси туфайли Лондон ва Брюссель ўртасида кескинлик яна кучаймоқда.

Тузатишларнинг асосий мақсад —Шимолий Ирландия ҳудудининг маъмурий чегарасидаги тўсиқларни Британия товарлари учун олиб ташлашдан иборат.

«Биз Европа Иттифоқи билан келишувлар учун очиқмиз ва мен музокаралар орқали келишувга эришишни афзал кўраман», деган Британия дипломатияси раҳбари Лиз Трасс. «Аммо гап шундаки, Европа Иттифоқи Шимолий Ирландияда савдо, солиқ ва бошқа соҳаларда муаммолар келтириб чиқарадиган протоколни ўзгартиришдан бош тортди» дея қўшимча қилган Британия Ташқи ишлар вазири.

Европа Иттифоқи эса икки томон келишиб олган Шимолий Ирландия бўйича протокол қайта кўриб чиқилмаслигини таъкидламоқда. Брюсселнинг позицияси Дублин тўлиқа маъқулланди.

Европа Иттифоқи тез орада Ирландия жануби ва шимоли ўртасида божхона чегарасини яратмасликни мақсад қилган Brexit келишувининг Шимолий Ирландия протоколини амалга оширишдан келиб чиқадиган кескин бурчакларни юмшатиш бўйича ўз таклифларини тақдим этишга ваъда бермоқда.