АҚШнинг Лас-Вегас шаҳрида давом этаётган UFC 310 турнирининг иккинчи асосий жанги (cо маин эвент) якунланди.
Унда ярим ўрта вазн тоифасида қозоғистонлик аралаш якка кураш устаси, ва ушбу вазн тоифасида камар учун даъвогар бўлиб турган Шавкат Раҳмонов ирландиялик Гарри Мачадога қарши октагонга кўтарилди.
5 раундга мўлжалланган беллашув тўлиқ давом этди. Дастлабки уч раундда қозоғистонлик боксчи тўлиқ устунлик қилди. 4-раундда эса ирландиялик спортчининг устунлиги кузатилди. Сўнгги раундда Шавкат Раҳмонов қийин ҳолатга тушиб қолди, аммо рақибининг бўғиш усулидан чиқиб кетишни уддалади.
Якунда Раҳмонов очколар ҳисобига кўра зафар қучди.
Шавкат Раҳмонов фаолиятидаги 19-жангини ўтказди ва барча жангда ғалабага эришган. Гарри эса бугун 16-жангида илк бор мағлубиятни қабул қилиб олди.
Изоҳ (0)