Испания, Ирландия, Словения ва Мальта раҳбарлари 22 март куни қўшма баёнот чиқариб, Фаластин давлатини расман тан олинишини маълум қилди. Бу ҳақда Anadolu нашри хабар берди.
Баёнотда айтилишича, давлат раҳбарлари минтақада барқарор тинчлик ва осойишталикка эришишнинг ягона йўли Фаластин давлатини тан олиш эканлигини маълум қилди. Икки давлат ечимисиз Яқин Шарқ можароси ҳали анча давом этиши мумкинлиги таъкидланди.
Ҳукуматлар Фаластин давлатини тан олишга тайёрлигини эълон қилиб, махсус ҳукумат баёноти чиқарган. Мадрид, Дублин, Любляна ва Валетта шаҳарлари марказий коммуналарида Фаластин озодлигига чақирувчи намойишлар содир бўла бошлаган.
Фаластин суверенитетига янгича муносабат ҳақида дастлаб Испания бош вазири Педро Санчес Брюсселдаги Европа кенгаши йиғилишида маълумот берди. Унда айтилишича, ҳукуматлар Ғарбий Соҳил давлатини тан олиш борасида ўз иродасини намоён этмоқчи. Аммо расман тан олиш қачон бўлиши маълум қилинмаган.
“Ғазо секторидаги барча вайронкорликларни, Ғарбий Соҳилдаги адолатсизликни кўриб тоқат қилолмайдиган чап, ўнг ва марказ сиёсий оқимлари вакиллари жуда кўп. Улар кўп ойлардан бери давом этаётган можаронинг кучайишидан қўрқишади. Биз буни тугатишга ҳисса қўшишимиз керак’’, — деган Испания бош вазири.
Испания раҳбарияти эълон қилган ташаббусни Словения бош вазири Роберт Голоб, Мальта бош вазири Роберт Абела ва Ирландия бош вазири Лео Варадкар давом эттирган.
Изоҳ (0)