Андижон вилояти Қўрғонтепа туманида қудуққа тушиб кетган 7 ёшли бола қутқарилди. Бу ҳақда ФВВ хабар берди.
Унга кўра, бугун, 16 май куни соат 11:00 да Қўрғонтепа тумани, “Ибн Сино” МФЙ, Мактаб кўчасида жойлашган уйларнинг бири ҳовлисидаги чуқурлиги 40 метр, диаметри 90 см бўлган сувсиз, ҳозирда фойдаланишда бўлмаган қудуққа уй эгасининг 7 ёшли ўғли эҳтиётсизлик оқибатида тушиб кетгани, уни олиб чиқишда амалий ёрдам сўраб ФВБга мурожаат қилинган.
Айтилган манзилга ФВБ қутқарувчилари етиб бориб, махсус техникалар ва анжомлар ёрдамида олиб борилган қутқариш ишлари натижасида бола қудуқдан соғ-саломат чиқариб олинган. Айни вақтда унинг аҳволи яхши. Тиббий кўрикдан ўтказиш мақсадида шифохонага олиб борилган.
2024 йилнинг апрель ойида Чиноз туманида 15 ёшли қиз эҳтиётсизлиги оқибатида чуқурга тушиб кетганди. Шунингдек, Тошкент вилояти, Бўстонлиқ тумани, “Якка тут” маҳалласидаги уйларнинг бирида фуқаро ҳожатхона учун қазилган 5 метрлик чуқурликка тушиб кетган эди.
Бахтсиз ҳодисалардан қандай ҳимояланиш мумкин?
Бахтсиз ҳодисалардан тўлиқ ҳимояланиш мумкин эмас, лекин хавфни камайтириш ва ўз хавфсизлигингизни ошириш жуда муҳим. Бунинг учун қуйидаги чораларни кўринг:
Биринчи ўринда — суғурта полиси олинг. Бу молиявий хавфдан ҳимояланишнинг самарали усулидир. Уй, машина ва соғлиқ учун суғурта орқали бахтсиз ҳодисаларнинг иқтисодий зарарини енгиллатиш мумкин.
Огоҳ бўлинг: қаерда бўлсангиз ҳам атрофингиздаги вазиятни кузатинг. Бахтсиз ҳодисалар кўпинча бефарқлик ёки эътиборсизлик сабабли содир бўлади.
Билим ва кўникмаларни оширинг.
Биринчи ёрдам кўрсатиш бўйича билимларни эгалланг, ёнғинга қарши курашиш қоидалари ва бошқа хавфсизлик бўйича қўлланмаларни ўқинг. Уйда хавфсизликни максимал таъминланг — тутун датчиклари ва ўт ўчиргичларни ҳозирланг.
Носоз электр симлари ва қурилмалардан сақланинг. Атрофни кузатинг: пиёда бўлсангиз, фақатгина телефонга эмас, балки атрофга ҳам қараб юришга ҳаракат қилинг. Йўл ҳаракати қоидаларига риоя қилинг.
Изоҳ (0)