Тошкент шаҳрида Иқтисодий ҳамкорлик ташкилотининг 16-саммитини ўтказиш ишлари доирасида 8−10 ноябрь кунлари айрим кўча йўл тармоқларида автомобиллар ҳаракати чекланиши сабабли, автобус йўналишларининг фаолиятига ўзгартиришлар киритилади. Бу ҳақда “Тошшаҳартрансхизмат” хабар берди.
Ислом Каримов кўчасининг Фурқат кўчасидан Олмазор кўчасигача бўлган қисми автомобиллар ҳаракати учун тўлиқ ёпилиши сабабли, ушбу манзил орқали ҳаракатланувчи:
- 51-сонли йўналиш ҳаракати I.Каримов кўчасидан Афросиёб, Бешёғоч, Фурқат кўчалари орқали вақтинчалик ўзгартирилади;
- 141-сонли йўналиш ҳаракати Қоратош кўчасидан Фурқат, А.Навоий, Олмазор кўчалари орқали вақтинчалик ўзгартирилади;
- 196-сонли йўналиш ҳаракати Афросиёб кўчасидан Бешёғоч, Фурқат, А.Навоий кўчалари орқали, кейинги ҳаракати ўз йўналиши бўйича ташкил этилади.
Аввалроқ 8—9 ноябрь кунлари Иқтисодий ҳамкорлик ташкилотининг 16-саммити ўтказилиши муносабати билан Тошкент шаҳрига юк ташувчи транспорт воситаларининг кириши қисман чекланиши тўғрисида хабар берилганди.
Изоҳ (0)