“Дзен” нашри актёрлик санъатида фаолият олиб бориш билан биргаликда ижтимоий тармоқларда реклама хизматлари орқали даромад топадиган машҳур турк актёрлари ҳақида маълумот берди. Маълум бўлишича, рейтингда энг юқори ўринни Керем Бюрсин эгаллаган.
Керем Бюрсин BMW компаниясига тегишли машина рекламаси учун 17 миллион турк лираси ёки 540 минг доллар даромад олган. Таҳлилчилар бундай юқори гонорар Туркия давлатида мутлақ рекорд деб атаган. Ҳозирда у интернетдаги энг машҳур турк актёри сифатида фаолият олиб бормоқда.
2023 йилда Керем Turkish Airline компанияси рекламасида ҳам суратга тушган, аммо рекламада тушиш ҳақи очиқланмаган.
Жорий йилда актёр йирик маиший техника ишлаб чиқарувчи немис компанияси Bosch билан ҳамкорлик битимини имзолади. Яқин кунларда унинг илк реклама ролиги намойиш этилиши кутилмоқда. Ушбу реклама учун Керем Бюрсин 12 миллион лира (380 минг доллар) ҳақ олган.
Реклама орқали яхши даромад тўплаган актёрлар рейтингида Бурак Ўзчивит иккинчи ўринни эгаллади. Актёрнинг Instagram саҳифасини 24 миллиондан ортиқ обуначилар кузатиб боради ва кичик storis ёки reels орқали Бурак 90 минг доллар (!) даромад олади.
Турк актрисаларидан реклама орқали энг катта даромадга чиққан санъат вакили — Бу Ҳанде Эрчел бўлади. Instagram’да унинг 30 миллиондан ортиқ фолловерлари бор. Актрисанинг бир дона реклама пост нархи 20 минг доллардан бошланади. Тўғри, унинг даромади Керем ва Буракники каби ўта юқори бўлмаса-да, аёл санъаткорлар орасида реклама орқали энг юқори даромад оладиган актриса ҳисобланади.
Масалан, Мерем Узерли битта реклама пости учун 17 минг доллар олади.
Бурак Ўзчивитнинг рафиқаси Фахрие Эвженнинг реклама нархи эса 15 минг долларга тенг.
Дарвоқе, турк актёрлари орасида ижтимоий тармоқда ҳеч қандай реклама билан саҳифага путур етказмайдиганлар ҳам бор. Бунга Киванч Татлитуғ ёрқин мисол бўла олади.
Изоҳ (0)