Turkish Airlines 23 январь куни Сурия пойтахти Дамашққа парвозларни қайта тикланишини эълон қилди. Бу ҳақда Turkiye Today хабар берди.
Авиакомпания мамлакатга парвоз қилувчи йўловчилар учун батафсил саёҳат йўриқномасини тақдим этди. Унга кўра, Эрон ва Исроил фуқаролари Сурияга киритилмайди. Тегишли тақиқ Суриянинг янги ҳукумати томонидан қабул қилинган. Авиакомпания ва Сурия расмийлари тақиқ сабабига изоҳ бермаган.
Сурия ҳукумати томонидан жорий этилган кириш чекловлари
- Исроил ва Эрон фуқаролари Сурияга киритилмайди.
- Йўловчилар, агар бўлса, ўзларининг Сурия фуқаролигини тасдиқловчи ҳужжатларни кўрсатиши шарт.
- Ливан фуқаролари, агар ота-оналаридан бири Сурия фуқароси бўлса ёки бошқа мамлакатда яшаш гувоҳномаси ёхуд визаси мавжуд бўлса, кириши мумкин.
Парвозларни тиклаш тўғрисидаги қарор Туркия ва Сурия ўртасидаги сўнгги дипломатик алоқаларни меъёрлаштириш саъй-ҳаракатлари натижасида қабул қилинди. Turkish Airlines ўн йилдан ортиқ вақт олдин фуқаролар уруши туфайли Сурияга парвозларни тўхтатганди. Авиакомпания бош директори Билал Экши 23 январдан Сурия пойтахти Дамашққа парвозлар қайта тикланишини эълон қилганди.
Изоҳ (0)