Шаҳзода Гарри ва унинг рафиқаси Меган Маркл Netflix стриминг хизмати билан ҳамкорликда Британия қироллик оиласи саройидаги ҳаётига бағишланган янги бадиий фильм суратга олиш учун музокаралар олиб бормоқда.
.jpg)
Нашрнинг ёзишича, Сассекс герцоги ва герцогиняси Netflix томонидан олдинги ҳужжатли фильм учун тўланган гонорардан мамнун бўлган ва шунинг учун стриминг платформаси билан ҳамкорликни давом эттирмоқчи. Ўз навбатида, Netflix ҳам жуфтликнинг қироллик саройидаги ҳаёти ҳақидаги янги “аччиқ тафсилотлар” билан қизиқади.
Netflix’да хабар берилганидек, Гарри ва Меган ҳақидаги янги фильм шаҳзода Эндрюнинг BBC журналисти Эмили Мейтлис билан қайғули интервьюси ҳақидаги бадиий фильмдан илҳомланиб яратилади. Фильм 2024 йилда экранларга чиқади.
Маълум бўлишича, Гарри ва Меган суратга олиш жараёнларидан олдин жамоатчилик фильм ҳақидаги янгиликларни қандай қабул қилишини кўришни хоҳлайди. Шу билан бирга, жуфтлик ҳали ҳам саройда содир бўлган воқеалар ҳақида катта экранда намойиш этиладиган ҳикоя борлигига ишонади. Чунки баъзи нюанслар ҳужжатли фильм ва Гаррининг китобида ошкор этилмаган.
2022 йилнинг охирида Netflix стириминг хизмати Гарри, Меган, уларнинг дўстлари ва Британия тарихи бўйича мутахассислар билан суҳбатлар асосида олти эпизодли сериални эфирга узатди. Томошабинлар бу лойиҳани турлича қабул қилди.
Изоҳ (0)