Шаҳзода Гарри ва Меган Маркл муносабатлари ҳақида ҳикоя қиладиган китобни саҳналаштириш ҳуқуқини сотиб олди, бу жуфтликнинг Spotify билан шартномасини йўқотганидан кейин тузган биринчи йирик битими бўлди.
Шаҳзода Гарри ва Меган Маркл Карли Фортуннинг “Мени кўл бўйида кут” романининг ҳуқуқларни сотиб олди ва жуфтлик ушбу роман асосида Netflix учун фильм суратга олишни режалаштирмоқда.
Мутахассисларнинг ҳисоб-китобларига кўра, бу ҳуқуқни сотиб олиш қиймати тахминан тўрт миллион долларни ташкил қилган.
Шуниси эътиборга лойиқки, бир ҳафта ичида 37 минг нусхаси сотилган роман сюжетида Сассекс герцогларининг таржимаи ҳоли билан кўплаб ўхшашликлар мавжуд. Жуфтлик ўртасидаги ишқий муносабатлар 30 ёшга тўлганларида бошланади. Қаҳрамонлардан бири ота-онасининг автоҳалокатга учраганидан кейин қаттиқ руҳий жароҳат олади. Бу воқеа эса малика Диананинг аянчли тақдирини ёдга солади. Шунингдек, асарда спиртли ичимликлар ва гиёҳвандлик ҳақида ҳам сўз боради ва Гарри аввалроқ ўз хотираларида гиёҳванд моддалар истеъмол қилганини тан олган.
Маълумотларга кўра, воқеа Меган Гарри билан учрашишни бошлаганида яшаган Канаданинг Торонто шаҳри яқинида бўлиб ўтади.
Изоҳ (0)