«Рома» — Еврокубокларда курашни давом эттираётган ягона итальян клуби

«Рома» Конференциялар Лигаси чорак финалида «Будё-Глимт»га қарши кечган ўйиндан (4:0) сўнг ярим финал йўлланмасини қўлга киритди.

Эътиборлиси, «Рома» Еврокубоклар кураш олиб бораётган ягона Италия жамоаси бўлиб турибди. Қолган барча итальян клублари Еврокубокларни тарк этди.

А Сериянинг амалдаги чемпиони «Интер» ЕЧЛ 1/8 финалида «Ливерпуль»га мағлуб бўлиб, ўз юришини тўхтатди. «Милан» эса Чемпионлар Лигаси гуруҳ босқичида 4-ўринни эгаллаган ҳолда мусобақа билан хайрлашди. «Ювентус» Чемпионлар Лигаси 1/8 финалида «Вильярреал»га имкониятни бой берди ва ЕЧЛни тарк этди.

«Аталанта» Европа Лигаси 1/4 финалида «Лейпциг» томонидан тўхтатилди. «Наполи» Европа Лигаси 1/8 финалига ўтиш ўйинида «Барселона»га имкониятни бой берди. «Лацио» ҳам Европа Лигасига ўтиш ўйинларида «Порту»га мағлуб бўлди ва ўз юришини тўхтатишга мажбур бўлди.

Римликлар устози Жозе Моуриньо бу ҳолатни эътибордан четда қолдирмади.

Энди биз Европада Италия байроғини кўтаришимиз лозим. Биз Еврокубоклар учун курашда давом этаётган ягона Италия жамоасимиз.

«Будё-Глимт»дан кучлироқ эдик. Тўртинчи уринишда рақибни енгишни ҳазм қилиб бўлмайди, албатта. Лекин, асосийси, 1:2 ҳисобини 5:2 га айлантира олдик. Бошиданоқ ажойиб ўйнадик. Биринчи голдан сўнг улар иш якунланганини тушуниб етди.

Жозе Моуриньо, «Рома» бош мураббийи