Yevropa Chempionlar Ligasi yarim final javob uchashuvidagi “Inter” — “Barselona” uchrashuvi bo‘lib o‘tdi. Qizarli hamda gollarga boy bo‘lgan bahsda milanliklar g‘alaba qozonib, final yo‘llanmasiga ega chiqdi.
“Inter” avvaliga ikki marta kataloniyaliklar darvozasini ishg‘ol qilishni uddaladi. Dastlab Lisandro Martines hisobni ochgan bo‘lsa, birinchi bo‘lim oxirida Hoqon Chalxono‘g‘lu jamoasining ikkinchi goliga mualliflik qildi. Uchrashuvning dastlabki bo‘limi 2:0 hisobida Italiya klubi foydasiga yakunlandi.
Ikkinchi taymda “Barselona” o‘ziga kelib, tezda hisobni tenglashtirdi. 54-daqiqada Erik Garsiya, 60-daqiqada esa Dani Olmo Yan Zommer darvozasiga yo‘l topishni uddaladi.
Ikkinchi taym oxirida jamoalar yana bittadan gol urishdi. Avvaliga 87-daqiqada Rafinya “Barsa”ni hisobda oldinga olib chiqqan bo‘lsa, 90+3-daqiqada Fransisko Acherbi tablodagi natijani 3:3 ko‘rinishiga keltirib qo‘ydi.
Shundan keyin jamoalar qo‘shimcha bo‘limlarga murojaat qildi.
99-daqiqada “Inter” yana hisobda oldinga chiqib oldi. Gol muallifi — David Fratezzi. Amalda mazkur natija o‘zgarmadi va “Inter” 4:3 hisobida “Barselona”ni mag‘lub etib, dastlabki finalchiga aylandi.
Yevropa Chempionlar Ligasi
Yarim final, javob uchrashuvi (dastlabki o‘yin 3:3)
6-may, Seshanba
“Inter” — “Barselona” 4:3
Gollar: 1:0 — Martines (21), 2:0 — Chalxono‘glu (penalti, 45), 2:1 — Garsiya (54), 2:2 — Olmo (60), 2:3 — Rafinya (87), 3:3 — Acherbi (90+3), 4:3 — Fratezzi (99)
Izoh (0)