«Манчестер Сити» «Атлетико»ни ортда қолдириб, Чемпионлар Лигаси ярим финал йўлланмасини қўлга киритди.
«Шаҳарликлар» бош мураббийи Пеп Гвардиола тўққизинчи бор ЕЧЛ ярим финалига йўл олди ва бу борада мураббийлар орасида рекорд ўрнатди.
Испаниялик мутахассис «Барселона», «Бавария» ва «Манчестер Сити» билан бирга 9 марта нуфузли мусобақа ярим финалига йўл олган.
Карло Анчелотти («Ювентус», «Милан», «Реал») ва Жозе Моуриньо («Порту», «Челси», «Интер» ва «Реал») эса 8 маротабадан Чемпионлар Лигаси ярим финалига чиққан.
«Манчестер Сити» кетма-кет иккинчи, ўз тарихида эса учинчи бор ярим финал йўлланмасини қўлга киритди. 2020/21 йилги мавсумда Гвардиола шогирдлари финалда «Челси»га мағлуб бўлганди.
Ундан ташқари манчестерликлар 2015/16 йилги мавсумда ҳам кучли тўртлик сари етиб борган ва «Реал»га мағлуб бўлиб, финалга чиқа олмаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)