АҚШда бир неча кун олдин фарзандини дунёга келтирган гватемалалик аёл боласи билан ҳибсда сақланмоқда. Бу ҳақда NBC News хабар берди.
Маълум қилинишича, она ва бола суд муҳокамасини кутиб, иммиграция ва божхона полицияси назоратида сақланмоқда. 4 май куни ҳомиладорлигининг саккизинчи ойида бўлган аёл АҚШ ва Мексика чегарасини ноқонуний кесиб ўтган. У божхона ва чегара хизмати ходимлари томонидан ушланиб, касалхонага ётқизилган.
Аёл шифохонада “назорат остида” туғруқни амалга оширган. Шундан сўнг иммиграция ва божхона полицияси назоратига топширилган. Мутахассислар фикрича, аёл депортация қилинади ва унинг фарзанди ҳам у билан бирга жўнатилади.
Гватемалаликлар қишлоқ хўжалигида мавсумий ишлар билан банд бўлади. Ватанларида иш топиш имкониятининг йўқлиги ўн минглаб гватемалаликни шимолга, Қўшма Штатларга йўл олишга мажбур қилмоқда.
Трамп маъмурияти ўз фармони билан туғилиш ҳуқуқи асосидаги фуқароликка — мамлакатда ва унинг ҳудудларида туғилган деярли ҳар қандай шахсга бериладиган автоматик АҚШ фуқаролигига чек қўйишга уринган. Акс ҳолда, гватемалалик онанинг янги туғилган фарзанди бу ҳуқуққа эга бўларди.
Изоҳ (0)