Ўзбекистонда ССВ тасарруфидаги стоматология поликлиникалари хусусийлаштирилади

Соғлиқни сақлаш вазирлиги тасарруфидаги стоматология поликлиникалари тўлиқ хусусийлаштирилади. Бу ҳақда “2025 йил учун хусусийлаштириш дастури тўғрисида”ги президент фармонида белгиланди.

Ҳужжатга кўра, давлат ташкилотлари иштирокидаги корхоналарнинг акция пакетлари (улушлари) савдога чиқарилиши қайд этилган бўлиб, улар орасида Соғлиқни сақлаш вазирлиги тасарруфидаги стоматология поликлиникалари ҳам бор.

Андижон вилоятида:

• Андижон вилоят болалар стоматология поликлиникаси.

Бухоро вилоятида:

• Бухоро вилояти ихтисослаштирилган болалар стоматология маркази;
• Бухоро вилоят стоматология поликлиникаси.

Жиззах вилоятида:

• Жиззах вилоят стоматология табобатхонаси
• Жиззах вилоят ихтисослаштирилган болалар стоматология поликлиникаси

Қашқадарё вилоятида:

• Қашқадарё вилоят болалар стоматология поликлиникаси

Наманган вилоятида:

• Наманган вилоят ихтисослашган болалар стоматология поликлиникаси

Самарқанд вилоятида:

• Самарқанд вилоят стоматология поликлиникаси;
• Самарқанд шаҳар стоматология поликлиникаси;
• Самарқанд вилоят ихтисослаштирилган болалар стоматология поликлиникаси;
• Пахтачи туман стоматология поликлиникаси.

Тошкент вилоятида:

• Ангрен шаҳар болалар стоматология поликлиникаси;
• Янгийўл туман стоматология поликлиникаси;
• Болалар стоматология поликлиникаси.

Фарғона вилоятида:

• Фарғона вилоят болалар стоматология поликлиникаси;
• Фарғона вилоят стоматология шифохонаси;
• Қўқон шаҳар болалар стоматология поликлиникаси;
• Марғилон шаҳар болалар стоматология поликлиникаси.

Хоразм вилоятида:

• Хоразм вилоят болалар стоматология поликлиникаси.

Тошкент шаҳрида:

• 1-сон болалар стоматология поликлиникаси;
• 2-сон болалар стоматология поликлиникаси;
• 4-сон болалар стоматология поликлиникаси;
• 5-сон болалар стоматология поликлиникаси;
• 7-сон болалар стоматология поликлиникаси;
• Учтепа болалар стоматология поликлиникаси
• Ички ишлар вазирлиги стоматология поликлиникаси;
• Халқ табобати плюс.

Ушбу поликлиникаларнинг сотиладиган акция пакетлари (улушлари) 100 фоизни ташкил этади.

Ҳужжатга кўра, вазирларнинг хусусийлаштириш ва давлат-хусусий шерикчилигига масъул ўринбосари бўлади. Вазирлар Маҳкамаси 2025 йил 1 майга қадар бундай ўринбосарлар рўйхатини тасдиқлаши лозим. 2030 йилга қадар давлат иштирокида корхона ташкил этишга мораторий жорий қилинди.

Шавкат Мирзиёев 27 март куни давлат мулкини хусусийлаштириш бўйича жорий йилги устувор вазифалар муҳокамаси юзасидан кенгайтирилган йиғилиш ўтказганида тадбиркорликни ривожлантириш, ер ва иншоотлардан самарали фойдаланиш мақсадида хусусийлаштириш бўйича кенг кўламли ишлар қилинаётганини айтганди. 2021-2024 йилларда 47 триллион сўмлик давлат активлари сотилган. Бу олдинги ўн йилликдаги кўрсаткичдан 30 карра кўп.

Булар ҳисобига давлат иштирокидаги корхоналар сони 2 карра қисқарди, иқтисодиётда давлат улуши 13 фоизга камайди. Хусусийлашган мулк самарадорлиги ҳам бир неча баробар ошди.

Мажлисда хусусийлаштириш соҳасидаги 2025 йилги мақсадлар белгилаб олинганди.