FIFA Клублар ўртасидаги ЖЧ – 2025 да иштирок этувчи жамоалар вакиллари билан учрашув ўтказди.
Йиғилишда асосий эътибор молиявий масалаларга қаратилган. Маълум қилинишича, янги форматдаги ЖЧ чемпиони камида 100 млн евро ишлаб олиши кутилмоқда.
Маълумот учун, ўтган мавсумда УЕФА Европа чемпионлар лигаси ғолиби 111 млн евро ишлаб топиши мумкин бўлганди.
Аввалроқ клублар ўртасидаги ЖЧнинг соврин жамғармаси тахминан 2,5 миллиард евро эканлиги маълум қилинганди.
5 декабрь куни ЖЧга қуръа ташлаш маросими бўлиб ўтган эди.
2025 йилдан бошлаб клублар ўртасидаги Жаҳон чемпионатида 32 та жамоа иштирок этади. Европадан 12 та жамоа, Жанубий Америкадан 6 та, Африка, Осиё ва КОНКАКАФдан 4 тадан ва Океаниядан битта жамоа иштирок этади. Турнирнинг илк мезбони Америка Қўшма Штатлари бўлади.
Маълумот учун, ушбу турнирда 32 та жамоа 8 та гуруҳга бўлинади. Бир мамлакат жамоалари гуруҳда ўзаро тўқнаш келмайди.
Мусобақа 2025 йил 15 июндан 13 июлгача АҚШда бўлиб ўтади.
Изоҳ (0)