Клублар ўртасидаги ЖЧ. “Ал-Иттиҳод” Янги Зеландия жамоаси дарвозасига жавобсиз 3 та гол уриб, кейинги босқичга йўл олди (видео)

Футбол бўйича Клублар ўртасидаги Жаҳон чемпионати 1-босқичида “Ал-Иттиҳод” 12 декабрь, сешанба куни “Окленд Сити” билан баҳс олиб борди.

Учрашувнинг 29-дақиқасида Ромаринё ҳисобни очди. Орадан 5 дақиқа отиб, Нголо Канте саудияликларнинг иккинчи голига муаллифлик қилди. Биринчи бўлим якунланиб бораётган вақтда, Карим Бензема ҳисобни йирик кўринишга олиб келди.

Иккинчи бўлимда дарвозалар ишғол этилмади ва ўйин “Ал-Иттиҳод”нинг 3:0 ҳисобидаги ғалабаси билан якунланди.

Клублар ўртасидаги ЖЧ

1-босқич

12 декабрь, сешанба

“Ал-Иттиҳод” (Саудия Арабистони) — “Окленд Сити” (Янги Зеландия) 3:0

Голлар: 1:0 – 29 Ромаринё, 2:0 – 34 Канте, 3:0 – 40 Бензема.

“Ал-Иттиҳод”: Гроэ, Ал-Шенгити, Ҳегази, Кадеш, Ал-Ҳавсави (Бамасуд, 85), Канте (Ал-Жамаан, 78), Фабиньо, Ал-Гамди (Ал-Саҳафи, 85), Коронадо (Фарҳан, 78), Бензема, Ромаринё (Жота, 59).

“Окленд Сити”: Трейси, Мурати (Килколли, 83), Грэй (Митчелл, 84), Вейл, ден Хеер, Лобо, Гаррига (Ли, 57), Маникум (Таде, 68), Ҳоуисон, Илич (Чжоу Тун, 68), Гиллион.