Ўзбекистон Олимпия жамоаси ҳужумчиси Алишер Одилов фаолиятини Россия Премьер Лигасида давом эттиради.
23 ёшли футболчи “Химки” клубига ўтди.
“Пахтакор” тарбияланувчиси сўнгги мавсумни “Олимпик” сафида ўтказди. Ушбу мавсумда Алишер Суперлигада 12 та ўйинда 3 та гол урди.
Алишер Одиловнинг вакиллари Ҳожимат Эркинов тўп тепадиган БААнинг “Ал-Ваҳда” клуби билан фаол тарзда музокаралар олиб борган, аммо охирги паллада футболчининг агентлари Россия клубига қизиқиш билдирган. Футболчи ва клуб ўртасидаги шартнома 1+1 кўринишида имзоланди.
Одилов Париж Олимпиадасида қатнашди. Икки ўйинда майдонга тушган футболчи Ўзбекистон учун ягона очко олиб келган Доминикан билан баҳсда тўп киритишга эришганди.
“Химки” бу мавсумда РПЛда 6 ўйинда 6 очко тўплаб, 11-ўринда бормоқда.
Изоҳ (0)