Австрияда нейрожарроҳ 12 ёшли қизини олдиндан тайёрлаб, стерил кийим кийдирган ҳолда, ҳақиқий операцияда қатнашишига рухсат берди. Бу ҳақда Kronen Zeitung хабар берди.
Жарроҳ Грац шаҳридаги шифохонада фаолият олиб борган. У қизига 33 ёшли фермернинг бошида тешик очишга имкон берган. Фермер дарахт тушиб кетиши оқибатида бошидан оғир жароҳат олган эди. Она бу воқеа ҳақида кейинчалик шифохона ходимларига ўзи маълум қилган.
Бемор бу ҳолатни бир неча ойдан сўнг билиб қолган. Хабар қисқа вақт ичида тор тиббий доирадан чиқиб, газета саҳифаларида ҳам ёритилган. Шундан сўнг бемор адвокат Петер Фрайбергерга мурожаат қилган ва у ҳозирда фермернинг манфаатларини ҳимоя қилмоқда.
Мен бу шов-шувли воқеа ҳақида эшитган эдим, лекин ўша бемор мен бўлишимни хаёлимга ҳам келтирмаган эдим. Ўзимни тажриба қуёнидек ҳис қиляпман, дейди эркак.
Таъкидланишича, нейрожарроҳ ва операция ўтказган жарроҳга нисбатан жиноий иш қўзғатилган. Улар беморга тан жароҳати етказишда айбланмоқда. Қолган беш нафар жарроҳдан иборат гуруҳ эса ишда қатнашмаган. Шифохонанинг ўзига нисбатан тергов жараёни ҳозирча давом этмоқда.
Изоҳ (0)