Kambag‘allikni qisqartirish va bandlik vazirligining Andijon shahar bo‘limi boshlig‘i ish vaqtida, kabinetida psixotrop modda iste’mol qilayotgani xabar berildi. Xabarga rasm ham ilova qilingan. “Daryo” holatni aniqlashtirishga urindi.
Tahririyat jurnalistining bu haqdagi savoliga javob bergan Kambag‘allikni qisqartirish va bandlik vazirligining Andijon viloyati boshqarmasi axborot xizmati rasmdagi shaxs boshqarmaning Andijon shahar bo‘limi boshlig‘i ekanini tasdiqladi.
Rasmdagi shaxs haqiqatdan ham Andijon shahar bo‘limi boshlig‘i. Biroq bu rasm qanday olingan, nima bo‘lgani haqida bizda hozircha to‘liq ma’lumot yo‘q. Holat o‘rganilmoqda. Tez orada rasmiy ma’lumotlarni e’lon qilamiz, deydi boshqarma axborot xizmati rahbari.
Kambag‘allikni qisqartirish va bandlik vazirligi axborot xizmati rahbari Gulnoza Alimova voqeadan xabardorligini, holatga aniqlik kiritishga urinayotganini ochiqladi.
O‘rganyapmiz, dedi u tahririyatning bu haqdagi savoliga qisqa javob berar ekan.
Ichki ishlar vazirligi axborot xizmatining qo‘shimcha qilishicha, o‘tkazilgan tezkor-qidiruv tadbiri jarayonida fuqarodan, jami 0,69 gr gashish giyohvand moddasi olingan. Hozirda holat yuzasidan Andijon shahar IIO FMB tomonidan Jinoyat kodeksining 276-moddasi 1-qismi bilan jinoyat ishi qo‘zg‘atilgan. Tergov harakatlari olib borilmoqda.
“Daryo”da mazkur vazirlik xodimlari harakati bilan soxta ish o‘rinlari yaratilayotgani, fuqarolarning shaxsiy ma’lumotlari internetda sizdirilayotgani haqida so‘z yuritilgan maqola e’lon qilingandi.
Izoh (0)