Yevropa kengashi prezidenti Antoniu Koshta Samarqand shahrida bo‘lib o‘tadigan “Markaziy Osiyo—Yevropa ittifoqi” birinchi sammitida ishtirok etish uchun 2-aprel kuni O‘zbekistonga keldi.
Oliy martabali mehmonni Samarqand xalqaro aeroportida O‘zbekiston bosh vaziri Abdulla Aripov va boshqa rasmiylar kutib oldi.
-EyGC4J-1.avif)
Hukumat rahbari matbuot kotibi Bekzod Hidoyatovning ma’lum qilishicha, qisqa suhbatdan so‘ng Yevropa kengashi prezidenti tashrif dasturiga muvofiq navbatdagi manzilga jo‘nab ketdi.
“Markaziy Osiyo—Yevropa ittifoqi” birinchi sammiti haqida
Ushbu sammit Samarqand shahrida 3—4-aprel kunlari bo‘lib o‘tadi. Shavkat Mirziyoyev raisligida o‘tadigan sammit ishida Yevropa kengashi prezidenti Antoniu Koshta, Yevropa komissiyasi prezidenti Ursula fon der Lyayen, Qozog‘iston respublikasi prezidenti Qosim-Jo‘mart To‘qayev, Qirg‘iz Respublikasi prezidenti Sadir Japarov, Tojikiston prezidenti Emomali Rahmon va Turkmaniston prezidenti Serdar Berdimuhamedov ishtirok etadi.
Sammit nafaqat mintaqaviy, balki global siyosiy va iqtisodiy jarayonlar uchun muhim voqelikdir. Mazkur sammit Yevropa ittifoqi va Markaziy Osiyo davlatlari o‘rtasidagi hamkorlikning yangi bosqichini boshlab beradi.
Izoh (0)