Qashqadaryo viloyati Qamashi tumanidagi maktabda direktor va o‘qituvchi ayol soch yulishib janjallashdi. Bu haqda “Hudud” dasturida xabar berildi.
Ma’lum qilinishicha, 29-fevral kuni viloyatning Qamashi tumanidagi 67-maktabda boshlang‘ich ta’lim o‘qituvchisi va vaqtinchalik direktor lavozimini bajaruvchi shaxs o‘rtasida yuzaga kelgan kelishmovchilik janjalga aylangan. Mojaroga maktabning o‘quv ishlari bo‘yicha direktor o‘rinbosari ham aralashgan.
“Direktor o‘rinbosari, direktor ikkalasi sudrab kirgizayotgan ekan. Ikkalasi bir-birining sochidan ushlab olgan. Mening ajratishga kuchim yetmadi”, deydi u,
Janjalda ishtirok etgan o‘qituvchi voqea sababini quyidagicha izohladi:
“O‘rindosh darslar so‘rab borardim. Jalilova mendan mablag‘ talab qilar edi. Men bunga rozi bo‘lmadim. Shu uchun men bilan teskari bo‘lib qoldi”.
Sobiq direktor esa tibbiy ta’tilga chiqqan.
Maktabdagi janjallar
Sirdaryoda o‘qituvchi 1-sinf o‘quvchisini qo‘liga igna sanchish bilan jazolagani haqida xabarlar tarqalgandi. Surishtiruv davomida yuqoridagi holat tasdig‘ini topmagan.
Qashqadaryoning Shahrisabz tumanidagi maktabda o‘qituvchi 5-sinf o‘quvchisini urib jarohatladi. Qarshi shahridagi maktabda o‘qituvchi va o‘quvchi yoqalashgani tasvirlari tarqaldi. Algebra fani o‘qituvchisi va 10-sinf o‘quvchisi bo‘lgan ikki qiz o‘rtasida o‘zaro kelishmovchilik kelib chiqib, og‘zaki tortishib qolgan. Ularning xatti-harakatlariga chora ko‘rish uchun sudga berilgan.
Toshkentdagi maktabda ayol dastlabki ish kunida o‘quvchini kaltaklagani ham keng muhokamalarga sabab bo‘lgandi. Ayol jazolanib, maktab direktori ishdan olingandi.
Izoh (0)