Тошкент шаҳрида ҳаракатланувчи автобус ҳайдовчиси йўловчиларни туширгани акс этган видео тарқалди. “Тошшаҳартрансхизмат” акциядорлик жамияти ҳолатга изоҳ берди.
Маълум қилинишича, 8-автобус саройи филиали тасарруфидаги Кинг Лонг русумли, 115-сонли автобус соат 10:15 да ўз йўналиши бўйлаб ҳаракатланаётган вақтида автобуснинг газ тизимидаги электромагнит клапанида техник носозлик юзага келган. Шу сабабли ҳайдовчи йўловчиларни салондан туширган ҳамда носозликни бартараф этиш мақсадида сервис марказига ҳаракатланган.
Мазкур автобусда сервис маркази ҳамда Кинг Лонг компанияси мутахассислари томонидан техник-таъмирлаш ишлари олиб борилиб, носозлик тезкорлик билан бартараф этилган. Ҳозирда ушбу автобус техник соз ҳолатда йўналишга чиқарилиб, йўловчиларга хизмат кўрсатаётгани айтилди.
Шунингдек, келтирилган ноқулайликлар учун йўловчилардан узр сўралган.
Изоҳ (0)