Шавкат Мирзиёев ва Садир Жапаров рафиқалари ҳамроҳлигида Хивага ташрифи, Тошкентда қурилганига уч кун бўлган автобус бекати қулаб тушиши, “Бахти Ташкентский” номи билан танилган Бахтиёр Қудратуллаевга суд ҳукми ўқилиши — “Дарё” нашри бугун, 19 июлда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда қурилганига уч кун бўлган автобус бекати қулаб тушди
Ҳодиса бекат устунлари яхши мустаҳкамланмагани сабаб юз берган.
Андижонда ҳокимлик машинасига милтилловчи чироқ ўрнатилгани юзасидан изоҳ берилди
Айни вақтда ҳайдовчи тегишли тартибда огоҳлантирилди.
Ўзбекистонда электромотоцикл, мопед ва скутер учун алоҳида давлат рақам белгилари жорий этилади
Тез тиббий ёрдам автомобиллари ҳам шу каби давлат рақам белгиларига эга бўлади.
Термиз давлат муҳандислик ва агротехнологиялар университети ташкил этилади
Янги ўқув йилидан университетда Илғор муҳандислик мактаби фаолияти ҳам ташкил этилади.
“Бахти Ташкентский” номи билан танилган Бахтиёр Қудратуллаевга суд ҳукми ўқилди
У 2023 йил декабрда қўлга олинган бўлиб, 44 та эпизод бўйича айбланаётган эди.
Тошкент шаҳрида ноқонуний ташқи реклама конструкциялари мажбурий демонтаж қилинади
Демонтаж ишлари ҳокимликнинг Рақамли ривожланиш департаменти ҳисобидан амалга оширилади.
Шавкат Мирзиёев Еврокомиссия раҳбарини лавозимга қайта сайлангани билан табриклади
Президент Урсула фон дер Ляйенга табрик мактуби йўллаб, ҳамкорликни янада юқори босқичга кўтарилишига ишонч билдирди.
“Бахти Ташкентский” ўта хавфли рецидивист деб топилди
Олий суд Бахтиёр Қудратуллаев, унинг оғиллари ва бошқаларга тайинланган суд ҳукмини эълон қилди.
Windows’даги техник муаммо Ўзбекистондаги халқаро аэропортлар фаолиятига таъсир қилмади
Барча аэродромларда учиш ва қўниш жараёнлари одатдагидек давом этмоқда.
Ўзбекистонда айрим кўчалар ногиронлиги бўлган шахслар учун мослаштирилади
Ҳокимликлар бу бўйича лойиҳа ишлаб чиқади ҳамда унинг қурилиш-таъмирлаш ва жиҳозлаш ишларини амалга оширади.
Шавкат Мирзиёев ва Садир Жапаров рафиқалари ҳамроҳлигида Хивага борди (фото)
Улар Ичанқалъа ва Нуриллабой сарой мажмуасида бўлди.
“Ўзбекконцерт” халқни лицензиясиз ижодкорларнинг хизматидан фойдаланмасликка чақирди
Биринчи ярим йилликда лицензиясиз фаолият юритган 65 нафар санъаткорга чора кўрилди.
Шавкат Мирзиёев рафиқаси билан Садир Жапаров ва рафиқасини кузатиб қўйди (фото)
Шундан сўнг давлат раҳбари Тошкентга жўнаб кетди.
Тошкент вилоятида 1 млрд сўмдан ортиқ кредит маблағларини талон-торож қилиш ҳолати аниқланди
Ҳозирда ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)