Роналду — 51, Рэшфорд — 58, Нойер эса 91-ўрин. The Guardian нашри талқинига кўра 2022 йилнинг энг яхши футболчилари 

“Ан-Насср” ҳужумчиси Криштиану Роналду The Guardian нашри талқинига кўра тузилган 2022 йилнинг энг яхши футболчилар топ-50 рўйхатига киритилмади.

Англия нашри ўтган йилнинг энг яхши топ-100 футболчилар рўйхатини тузди. Айни дамда 41-ўриндан 100-ўринга қадар жойлашган футболчилар номи маълум бўлди. Тўлиқ рўйхат 27 январь, жума куни эълон қилинади. Қуйидаги футболчилар Роналдуни ортда қолдирди

41. Ёзуа Киммих (“Бавария”);

42. Давид Алаба (“Реал”);

43. Яссин Буну (“Севилья”);

44. Рубен Диаш (“Манчестер Сити”);

45. Орелен Тчуамени (“Реал”);

46. Тео Эрнандес (“Милан”);

47. Алексис Мак Аллистер (“Брайтон”);

48. Родриго Де Пол (“Атлетико”);

49. Софъян Амрабат (“Фиорентина”);

50. Коди Гакпо (“Ливерпуль”).

Португалиялик футболчи Роналду 51-ўринни банд этган. 

“Наполи” ҳужумчиси Виктор Осимҳен 52-ўринни, “Манчестер Сити” дарвозабони Эдерсон 54-ўринни, “Реал” ҳимоячиси Антонио Рюдигер 56-ўринни, “Манчестер Юнайтед” ҳужумчиси Маркус Рэшфорд эса 58-ўринни эгаллаган. 

“Ливерпуль” футболчилари Луис Диас ва Трент Александер-Арнолд 59 ва 60-поғоналарни банд этган. “Барселона” вингери Усмон Дембеле 69-ўриндан, яна бир каталонияликлар вакили Френки де Йонг 89-ўриндан, “Бавария” посбони Мануэль Нойер эса 91-ўриндан жой олган.