Испаниянинг “Барселона” клуби ёзги трансфер ойнаси вақтида катта трансферни амалга ошириши мумкин. Клуб “Ньюкасл” ҳужумчиси Александр Исакни ўз сафига қўшиб олишни мақсад қилган. Бу ҳақида Sport.es нашри хабар бермоқда.
Клуб спорт директори Деко ушбу трансфер бўйича ҳаракатни бошлаган. Аммо харидни амалга ошириш учун каталонияликларда етарли маблағ йўқ. Шу боис “Барселона” швециялик ҳужумчини ўз сафига қўшиб олса, уругвайлик ҳимоячи Роналд Араухо жамоани тарк этишга мажбур бўлади.
Ўтган йил охирида Исакнинг агенти ва “Барселона” вакиллари – Деко ҳамда Боян ўртасида учрашув бўлиб ўтган. Бу учрашувда кўп нарса муҳокама қилинмаган бўлса-да, ҳар иккала томон учун ҳам ижобий якунланган. Клуб швед футболчиси учун катта пул сарфлашга тайёр, шу билан бирга, Исак ҳам “Барселона” лойиҳасининг бир қисми бўлишни исташини маълум қилган.
Маълумот учун, футболчи жорий мавсум “Ньюкасл” сафида 33 та баҳсда майдонга тушиб, ўз ҳисобига 26 та гол ва 5 та ассист ёздириб қўйган. Унинг клуб билан шартномаси 2028 йилнинг ёзига қадар амал қилади. Transfermarkt портали футболчининг нархини 100 миллион еврога баҳоламоқда.
Изоҳ (0)