Мадриднинг “Реал” клуби устози Карло Анчелотти Испания Ла Лигаси 28-тури доирасидаги “Вильярреал”га қарши учрашувдан кейинги матбуот анжуманида, футболчилар энди камида 72 соатлик дам олиш вақтисиз майдонга тушмаслигини эълон қилган эди.
Ла Лига раҳбари Хавьер Тебас “қироллик клуби”нинг ушбу баёнотига муносабат билдирди. Унга кўра, мадридликлар ўйинлар жадвалини ўзгартириш бўйича расмий сўров юбормаган. “Реал” илгари олдиндан сўров юборганида, бу талаблар қондирилганини айтган.
Шунингдек, Ла Лига вакили жамоалар учун доимо қулай жадвал белгиланишини маълум қилди. Унинг сўзларига кўра, Ла Лига дастлаб 30 март куни бўладиган “Леганес” билан ўйинни шанба куни соат 16:15 га белгилаган. Бу эса “Реал”га “Реал Сосьедад” билан бўладиган Испания Кубоги ярим финалидан олдин кўпроқ дам олиш имконини бериши керак эди.
Бироқ, “Реал” вакили Эмилио Бутрагено Ла Лига мусобақалар директоридан ўйинни соат 21:00 га кўчиришни сўраган, бу эса халқаро ўйинлардан қайтган футболчиларга қулайлик яратиш мақсадида амалга оширилган.
Натижада, ўйиннинг кечиктирилиши туфайли “Реал” сешанба куни бўладиган ярим финалга 72 соатдан кам вақт ичида чиқиши керак бўлади, дейди Ла Лига раҳбари ўзининг Х саҳифасида.
Маълумот учун, “Реал” айни пайт Испания чемпионати турнир жадвалида 60 очко билан 2-ўринни эгаллаб турибди. Худди шунча очкога эга “Баселона” эса 1-поғонадан жой олган.
Изоҳ (0)