Madridning “Real” klubi bosh murabbiyi Karlo Anchelotti o‘zining hamda “Barselona”ning o‘yin uslubi haqida fikr bildirdi.
Italiyalik mutaxassis har ikki jamoa ham turli xil uslublarda o‘ynashi hamda ularni taqqoslash qiyin ekanligini aytdi.
“Barselona” “Real”dan yaxshiroq o‘ynayaptimi? Bilmadim, lekin tan olish kerakki, “Barselona” juda yaxshi futbol namoyish qilmoqda, “Real” esa qolgan jamoalarga nisbatan sifatliroq o‘yin ko‘rsatmoqda. Menga “Real”ning ham, “Barselona”ning ham o‘yini yoqadi. Jamoalarni solishtirish mumkin, lekin ularning o‘yin uslubini taqqoslash qiyin, chunki bu ko‘p jihatdan futbolchilarga bog‘liq.
“Real”ning ba’zi xususiyatlari “Barselona”nikidan farq qiladi. Kimdir “Barselona” juda yaxshi, “Real” esa yomon o‘ynamoqda” deb aytishi mumkin, lekin men jamoamning harakatlaridan mamnunman, deydi Anchelotti.
Ma’lumot uchun, hozirda kataloniyaliklar La Liga turnir jadvalida 66 ochko bilan yetakchilik qilmoqda. “Qirollik klubi” esa raqibdan uch ochko kam to‘plab, 2-o‘rinni egallab turibdi.
Izoh (0)